上年年尾的大阪之旅,男朋友帶了我去食炸串,這是我的第一次!!
一杯生啤配炸串,真的令整天穿著和服的疲勞盡消!!!
炸串的炸法與吉列豬扒、天婦羅不同,串炸是皮薄涵靚,
每一件串炸的外層皮薄而香脆,外層保持平滑,色澤呈金黃,沒有多餘炸粉。
返到香港,係網上看到Jan Jan就好想去重拾回憶!!
唔理男朋友,約朋友們一齊享受酒精及炸串的晚上~
食炸串,一坐低就會有一大碗醬汁及一大碗椰菜,同日本一樣。
醬汁每次只可以點一次,唔可以再翻點醬汁,因為醬汁是共用的,
大家要保持衛生啊!!我唔想食大家既口水尾XD
而椰菜當然係減少油膩熱氣感啦,椰菜點醬汁都好好味架!!!
看看餐牌,第1樣就看到梅酒,當然即刻ORDER啦~
這店有2款梅酒:蘋果梅酒及梅酒(另一款唔記得個名)
2款都各飲左1杯,蘋果梅酒酒精濃度是低的,比較適合淺嚐,
如果大家好似我咁,喜歡飲酒既話就order另一款梅酒,因為濃度較高!!
炸蓮藕,點點酸酸甜甜的醬汁,更惹味,而且蓮藕唔係薄片,
是厚身的,亦好爽脆,咬落去爽爽聲!!好想再叫多串!
高湯雞蛋卷
這個雞蛋捲不要看他很簡單,裡面沒有任何餡。
運用高湯和來自日本的雞蛋做的蛋捲,一上台已聞到蛋香,
仲有滑溜溜既表面吸引我的眼球,高湯的味道不會蓋過蛋香,比較做得好好。
而且係即叫即整,就這樣無需豉油已好美味啦!
雞腿配芥末籽
看到芥末籽我已經心心眼~~
雞腿燒後仍然嫩滑好juicy,肉既質地仲好有口感,配上少少芥未籽,
籽比較無咁嗆鼻同辣,小小辣,唔會影響到肉味。
海膽海葉卷
下面的是炸腐皮包紫菜,上面鋪滿海膽,職員教授:
食前加少少少少豉油,味道提升,食落唔會咁油膩 ,海膽味好鮮甜!
三文魚子海鮮球帶子
外層是飽滿的三文魚子配他他醬,內層是帶子及蝦,
真的是大大粒帶子,咬下去外脆內軟的感覺。
炸芝士
外皮真的好薄,而且內裡是滿滿的芝士,真的不能不一叫再叫
炸雞蛋
外層炸皮又薄又脆,但內層仍然做到糖心既效果,
建議咬開加少少鹽 ,吊吊味,味道就更正~~
無晒 quota 擺相唯有直接出文字啦!
串揚露荀
第一次見到有咁長嘅露荀,咬落去鮮甜多汁,唔會有根,必食必食
香菇大大粒,炸後仍然Juicy,我最喜歡食香菇!!
https://www.facebook.com/elyse214
留言列表