Elyse Fish 金魚的部落格

其實我真係好喜歡飲返2杯，與朋友相聚就更想把酒言歡

有酒的餐廳我通常都會點杯享受一下。

今次相聚的餐廳有酒供應，所以ＯＲＤＥＲ左２支酒配合不同菜色

餐廳環境好舒適，好適合好友相聚，而且呢度有好多小食，適合送酒。

炸芝士

芝士味濃，用上拉絲芝士，炸到外脆內軟，咬下去芝士可拉到好長，

又好玩又好味，當然要襯熱食啦，凍左就拉唔到絲架啦！！

太惹味既關係，今餐叫左２客啊！！

炸燒賣

有食過炸燒賣就返唔到轉頭，食唔返街邊既蒸燒賣，

因為外脆內嫩既質感真的好過癮，呢間食肆既炸燒賣仲灑上椒鹽，更惹味！

黑醋蜜糖雞翼

味道香噴噴，外表望上去就覺得好好味，而且色澤好靚，

咬落去好JUICY，肉質仲好嫩滑添！！

Hidden ID Chardonnay 配黑松露意大利飯

新鮮明的酸度，口感順滑，口感都算厚，而且味道好岩我口味，真係一杯接一接咁飲。

黑松露意大利飯，上台已經陣陣黑松露味，香味撲鼻，

意大利飯質感軟硬適中，好有咬口，

而且一點都唔膩，配上白酒真的挺配合的啊！

One Tree Plain Cabernet Sauvignon 配I's Corner Burger
呢支紅酒感覺有豐富濃郁的黑醋栗和黑莓，質感厚好多，

酒精濃度都比較高，配肉更好。

I's Corner Burger真係好好味，和牛肉好JUICY ，包既外皮好鬆軟，

芝士味又夠香濃，一啖咬落去就吸引我的味蕾，必食！！

我更自己食左半個～搶食！！

今個晚上真係暢飲，幾個女仔傾得好愉快！！