Elyse Fish 金魚的部落格

如果有睇我IG既話，你一定知我近期買左Leaders 既安瓶面膜

點解我會買？？

其實我係試用完覺得真係幾好用，所以買盒用再敷

我係好中意敷面膜既金魚

金魚係水中生活架嘛，所以補水對於我黎講好重要架！！

我呢個敷面膜既習慣係由皮膚變好左時開始的

皮膚好左就發覺最有效幫助我維持及變更好肌膚既方法：

就係《一日一面膜》

如果一星期每日都敷面時，個皮膚真係好好多架！！！

連男僕都睇得出～～～

范冰冰的好皮膚一定都係咁樣而煉成！！！

100%純原液精華補濕安瓶面膜

佢既包裝有別於一般面膜

不是一片片，而是一瓶瓶，好似試管咁！！

所以會有個架擺放的，唔會企唔到！！

一見到佢既試管設計，即時令我諗起化學堂

一支野左溝右溝就變成另一樣野

而呢支試管裝既係「無水精華」配方100%純天然植物萃取精華

更有高達9900ppm既透明質酸，

而且無任何化學防腐劑添～～

呢款面膜好特別，面膜係捲住一支捧捧

拎出黎，精華真係好多，要用手托住，

我為左影相就已經無左２滴精華啦。。。

面膜係纖維素製造，好透薄

最正係勁貼面！！！

呢片面膜就好似我另一層皮膚咁，

如果唔係睇到我既髮邊個眉個個位置既話，

都唔會覺得我敷緊面膜啦！！！

就算向下打機、睇雜誌、睇電話都唔怕佢甩落黎！！

不過因為面膜好薄，所以如果大家好似我咁好乾既話

＊＊建議大家最多最多敷２０分鐘好啦＊＊

因為我既毛孔好快就吸晒Ｄ精華

可想而知精華分子有幾細呢～

而試管內其實都仲有好多精華

呢個時候大家就可以有２種方法用左Ｄ精華：

『方法一』

敷面後，倒晒精華出黎按面，

不過精華真係好多架，所以我多數按摩一下就算

塗晒成面就等待皮膚吸收下先！！

一Ｄ都唔浪費，肌膚即時水噹噹、好水潤！！！

之後再塗埋精華油，第二天起身塊面就好似識發光咁

好嫩滑、好有光澤感！！

『方法二』

用面膜本身既捲法，用化妝棉都捲一次

再放入試管中，令化妝棉吸滿精華！！

＊小貼士：化妝棉不要揀太薄或太多毛毛

吸收晒精華既化妝棉我就會用黎敷埋「頸」

頸紋真係會出賣年齡架！！

大家護膚時，都要記得護埋頸啊！！

之後再塗埋精華油，效果就會再增強！！

所以這款面膜對我來說不止一瓶雙用，係３用至真！！

面膜、精華、頸膜

剛剛講既【精華油】

其實就係Leaders 採用珍貴天然油而製成的

係敷面膜後或塗精華素後，

再塗上一層精華油就可以防止水分蒸發，

令效果發揮到最佳效果。

藍色樽一睇就知係關於"水"

呢款係由杏子油、薰衣草油、迷迭香精華油、

莧菜紅嫩芽、植物性魚油丸混合而成

【水光膠囊精華油 Aqua Seed Capsule After Mask】

另一款金色既係滋潤、抗衰老、緊緻肌膚、回復彈性

滋潤性比較高，乾性肌膚或成熟肌膚都好適合

同樣蘊含杏子油、薰衣草油、迷迭香精華油，

重點有：辣木嫩芽

【活肌膠囊精華油 Lifting Seed Capsule After Mask】當中的

辣木嫩芽係印度草藥，含有豐富既維他命Ｃ、１７種氨基酸

真係令肌膚變得彈力十足～哈哈！！

不過個樽蓋設計就要有技巧地打開～

裡面既膠囊既樣子～～～

用剪刀就會剪開

因為精華油都幾多架，所以剪高Ｄ會更好，

我第一次就係剪得低左，精華油就湧出黎咁！！

亦可以擰開膠囊，不過我唔建議

因為要大力同更難控制精華油流出！！

一粒膠囊既精華油真係好多，

塗均勻全面，總覺得仲有好多，

所以要花點時間去按摩面部肌膚，

塗抹後，皮膚瞬間提升保濕度，仲滋養左肌膚添～

訓覺既時候都覺得油油的，不過經過一晚既冷氣

皮膚表面就變左好似有一層薄薄的屏障。

潔面後，肌膚白淨有光澤，而且皮膚一點都唔乾，

未塗護膚品前都感覺好滋潤！！！

上圖係用左６次面膜同精華油既效果

肌膚夠水分，真係望落都平滑左，

又白淨左，而且有好好保養肌膚時痘痘都唔見左！！

所以要做個勤力既女人啊!!!

“Product are sponsored by Leaders Clinic”

https://www.facebook.com/leadersclinic/?fref=ts