這是第2篇與男朋友的合作文 (第1篇合作文)
今次介紹一間偏僻的食店, 如果唔係男朋友帶我去的話,
我一定唔會識去, 因為太偏僻了!!!!!
我就算知地址都唔會識搭車去...
放假訓醒就已經到食Brunch的時間
男朋友就話：「帶你去食豬扒包、乳鴿做早餐呀!」
我心諗：「下...下...下...咁肥膩．．．」
不過無所謂啦～肥就肥啦！反正會做運動！
經過一條長長的高爾夫球場之後就到了
原來是茶檔的格局, 不過有室內有冷氣及室外之分
當天人很多, 我們只能坐室外, 可幸那天不算太熱!!
點餐後, 好快飲品就已經送遞到面前
我點的是紅豆冰, 男朋友的是石板街涼粉冰
紅豆冰的紅豆是大大粒的, 有質感的, 不是糊糊的
而且分量算多, 我好喜歡!!!
石板街涼粉冰我覺得只是特色飲品
如果想食石板街雪糕及涼粉的話就叫吧~
不過當天我聽到好多人都有叫!!
我覺得味道只是普通而已~
豬扒包集脆、鬆、嫩、爽、香於一身
外層既面包焗到脆口
只需用叉輕輕插入就會發出悅耳的卜卜脆聲音
面包內雖然無一般街食既煙韌口感
反而係一口鬆化軟熟既質感
豬扒醃得好嫩, 滑而不失口感
用刀輕輕一切就已經可以切開
再配上香濃醬汁炒過的洋蔥
真係暫時係我食過最好味既豬扒包!!!!!
唔怪得之男朋友說有好多人專登入黎食啦!!!!
我個人本身好喜歡食乳鴿的, 男朋友亦推介我試
這裡的乳鴿體形比較我平時係酒家食的細小
油脂亦比較一般的乳鴿少, 取而代之就係嫩滑的肉質
BB鴿炸得皮脆肉嫩, 滿滿肉汁, 一口咬下去
真的好有滿足感!!!!!
咖哩牛腩配薄餅都不錯, 牛腩都算炆得夠淋
咖哩是比較甜的, 味道不錯, 不過未至於推介,
略嫌薄餅得4片太少了!!!!
整餐Brunch點餐及上菜速度好快
環境幾舒服, 如果秋天坐室外會更好
夏天都係等室內會更好!!!
食物都幾有質素, 我覺得值得大家去試試~~
食店名稱：榮昌茶座
地址：上水粉錦公路蓮塘尾村1號
*自費：全屬個人意見*
希望大家可以幫我讚讚＋推推這篇文章～
謝謝！！希望大家喜歡今次的分享～給我一個支持，請Like my facebook page吧~
我的facebook page:~ Elyse.N Makeup Beauty Zone
留言列表
