Elyse Fish 金魚的部落格

話說我年尾應該會去韓國

但我都仲未食過醬油蟹

咁我去到韓國點對比呢?

所以我的朋友就帶我去嘗試一下佢覺得好味的店

【梨滿園韓國料理】

先來6小碟, 南瓜同泡菜個款我最喜歡

其他都只係一般般啦～

首先我一定要介紹我最期待的醬油蟹

第1啖入口～～甜甜地既、唔腥架！！

生蟹既肉原來係唔算好癡殼

食食下就會有點辣味，不過是普通食到微辣的人可以接受到的

所以對我來說是有點辣味，但我完全可以當無辣來食～

朋友亦教授蟹蓋撈飯

真係不得了的好味，飯好似將蟹既鮮甜、蟹膏的味道提升了！！

大家order醬油蟹一定要叫個飯

真的令蟹蓋更加好味！！！

生牛肉：

軟稔的牛柳條用上秘制醬油醃上

拌以配料，有雪梨、青瓜、紅椒及生蛋

攪拌後一啖放入口，清爽既配料消去了牛肉多餘的油膩感

亦提升左牛肉既鮮味！！

原來生牛肉係解甜既味道架～

呢間店更有好多韓燒食品

大部分肉類都唔錯架，尤其係醃左既牛肋骨

而韓燒唔少得既就係緊用生菜及配菜包著肉類食啦～

可以減輕油膩感，而且總係覺得食點菜之後，

就個肚就可以繼續食燒肉！！！

鮮大蝦：

上台時只用簡單既調味，足以證明新鮮啦～

職員教授燒蝦技巧：燒好一邊先好反轉另一邊燒

燒至外殼有少少焦香，真係陣陣大蝦既味道！！

咬落去啖啖肉，好滿足～

蝦肉爽口彈牙，好新鮮既感覺。

鮮帶子：

原隻帶子只用海鹽和黑胡椒調味，帶出海水味。

而最重要係當天有位好友燒烤得很好

令咬下去時仍然JUICY美味！！