Elyse Fish 金魚的部落格

金魚同大家一樣都喜歡買野，

亦喜歡試有趣既新品！！

有時間仲會與大家分享～～

今次收到風Covermark有新品，

仲有個有趣既「粉底測試」

相信大家睇到上圖就覺得奇怪

點解試粉底係試係手？唔係試係面？

因為Covermark新推出Jusme Color

係根據我地本身的「肌膚底色」，

即係根據肌膚底層血管的色調而揀粉底

所以想試色前，必須做左以上色調測試先可以再揀色號。

好處係不會因時間而變得暗啞或蒼白，

讓妝感長時間保持明淨透亮！！

簡單黎講：

藍調的膚色受靜脈影響較強而帶冷，

膚色可比喻為透徹檸檬黃的色調 (blue base)；

而黃調的膚色受靜脈影響較少而帶暖，

膚色比喻為健康香蕉黃的色調 (yellow base)。

下面圖片來源：Covermark 官網

Covermark 有種特別既專屬的粉底配對服務：

1 於右腕塗上兩行測試用的藍色粉底、 左腕塗上兩行測試用的黃色粉底。 

2 判定專用的測試盒將多餘的日光阻擋， 使光線接近自然光。 

3 測試用的粉底和手腕的顏色會隨著時間變化作出改變。 (測試隨個人而有差別)

講真金魚本身真係睇唔出大分別，

而職員好快就睇得出金魚係「黃調」

所以經過專業既職員細心講解之後，

金魚終於睇得出分別～ＹＥＡＨ！！

藍調那邊經過一陣子，

兩行藍色粉底的邊邊位置呈現暗啞、變得灰灰的，

而兩行黃色粉底就沒有這種情況出現，

皮膚反而會特別顯白。

原來色調可以有咁大影響！！！

知道左金魚係黃調之後，職員就正式講解各款粉底既特性，

同時替金魚想想哪款粉底適當哪種時候用，

最後才揀選要試色號的粉底，幫金魚試上面。

講真真心覺得職員係客人角度出發，

因為金魚有２款粉底想試試質地，

但金魚當天係化左妝去揀粉底，因為之後有約會，

而粉底真心係試上面先係最清楚，

平時其實專櫃只會卸除面最邊邊的位置，

塗極少量粉底試試色而已，

而Covermark 竟然卸了金魚下半臉的妝後，

先試試色，再幫金魚潔面＞搽TONER＞SERUM＞

LOTION＞BASE＞再半邊面向試1種粉底＞

遮瑕＞碎粉定妝

係完整既妝容！！

＊之後約會男朋友都睇唔出有異樣，真係試完可以直接約會都得＊

而且同時睇得出自己的粉底（額頭位置）有什麼不同之處，

更可以行一個圈，逛一陣街再決定都可以，

職員既專業，令佢地好有信心，亦令我都好有信心！！

最後金魚係試既過程中，對《嫩肌亮白系列》好有興趣

因為佢可以同時做到７樣膚色抗老化效果，

最岩輕熟女金魚！！

💗去角質（金魚最需要滑溜）

💗抗氧化（金魚要正式需要）

💗打糖化（延緩皮膚衰老）

💗深層保濕（個個都需要）

💗細胞排列正常化

💗多重防截黑色素（美白）

💗提升緊緻度（拒絕鬆弛）

金魚帶左《嫩肌亮白系列》其中２支回家

💎嫩肌亮白柔膚水 Precious Bright Lotion W

💎嫩肌亮白精華露 Precious Bright Serum W

💎嫩肌亮白柔膚水 Precious Bright Lotion W

🎀取出直徑2.5cm的圓圈於掌心，慢慢按入肌膚，

美白同時去角質，透明美肌柔膚水質地水潤，

迅速滲透至肌膚角質層飽滿起來，

會有潤澤質感，肌膚透明度，同時增加柔滑感

🎀蘊含「蘋果酸」、GL氨基酸複合物，

可以幫助肌膚築起鎖水屏障，提升肌膚含水量，

淨係用柔膚水已經好水噹噹💧

🎀多種香薰精油成分及人參及靈芝等7種珍貴漢方精華，

如阿特拉斯雪松、玫瑰草等，按上面時聞到其香味，真係好舒服，

有助舒緩整日的疲倦感及放鬆心情

💎嫩肌亮白精華露 Precious Bright Serum W

🎀泵出2至3下乳白狀既精華露，均勻塗抺於面部及頸部，

豐盈質感，按後肌膚透亮，感覺緊緻、柔滑，令肌膚更容易上妝

🎀蘊含高濃度「維C誘導體」、「熊果苷」和「金雞納樹皮精華」，

多重防截黑色素，對抗因增齡而導致的暗啞、色斑、

陰影及皺紋等多重問題，締造肌膚高度透明感和光澤感

🎀蘊含GL氨基酸複合物，為肌膚築起鎖水屏障，

提升肌膚含水量，並改善老化膚質

🎀多種香薰精油成分及人參及靈芝等7種珍貴漢方精華，

如阿特拉斯雪松、玫瑰草等，按上面時聞到其香味，真係好舒服，

有助舒緩整日的疲倦感及放鬆心情

---------------------------------------------------------------------

2支用時都有一種獨特既香味，

仲記得第1次用時係夜晚，第2朝起身發覺鼻翼位置有點甩皮，

心諗：咁快就去到角質? 產品會唔會太強?

之後繼續用就無再出現過甩皮，

而且肌膚平滑左，印痕淡左一點，

明顯水份提升不少，

因為上妝後既持久度明顯耐左，無咁快出油

👄金魚認為係《嫩肌亮白系列》溫和去到角質，

同時又補充到足夠既水分，

所以令肌膚慢慢得以改善，

因為角質層厚的話，就算產品有多麼補水都無用，

根本就不能滲透到肌膚底層，

而《嫩肌亮白系列》就可以2種功效同時做到，

亦同時可以美白、抗氧化，

真心覺得超適合角質較厚既金魚🉐💯